Námskeið fyrir ungt fólk

Kvíða- og sjálfsstyrkingarnámskeið fyrir unglinga. 

 

Námskeiðið kennir unglingum einfaldar og öflugar aðferðir til að takast á við kvíða og áreiti þannig að þeir geti verið besta útgáfan af sér, með sterka sjálfsmynd, lífsglaðir og hamingjusamir. Námskeiðið er byggt að hugrænni atferlismeðferð og aðferðum Hugarfrelsis en þær eru öndun, slökun og hugleiðsla.  Foreldrar þátttakenda fá fræðslu áður en námskeiðið hefst til að geta stutt hvern og einn meðan á námskeiðinu stendur. Í foreldrafræðslunni verður farið yfir einkenni kvíða, birtingarmynd hans og hvað viðheldur honum hjá unglingum ásamt einföldum aðferðum til að draga úr kvíða og auka vellíðan.

 

Námskeiðið er ætlað nemendum í 8. – 10. bekk grunnskóla.

 

Á námskeiðinu er þátttakendum kennt að:

 

• Þekkja einkenni/ástæður kvíða og draga úr honum
• Þekkja betur huga sinn
• Efla jákvæða hugsun
• Þekkja styrkleika sína og styrkja sjálfsmyndina
• Setja sér markmið og elta drauma sína
• Bæta einbeitinguna og eiga betri samskipti
• Nota öndun, slökun og hugleiðslu

 

Námskeiðið er haldið í samstarfi við Paolu Cardenas, sálfræðing og fjölskylduþerapista hjá Barnahúsi. Paola hefur m.a. starfað á barna- og unglingageðdeild Landsspítalans og sem yfirsálfræðingur barna- og unglingateymis hjá Heilbrigðisstofnun Suðurnesja.

 

Þátttakendur fylla út sjálfsmatskvarða í byrjun og lok námskeiðs. Sjálfsmatskvarðanum er ætlað að skoða ýmsa þætti sem tengjast geðheilbrigði barna og unglinga á aldrinum 7-18 ára.

 

Öflugt námskeið fyrir unglinga sem vilja verða besta útgáfan af sér.

 

Bókin Veldu er innifalin í verði.

 

Næstu námskeiðKópavogur

 

 

Verð: 64.500 kr (10 % systkinaafsláttur)

 

Námskeiðið VELDU er helgarnámskeið fyrir unglinga (13-16 ára) sem eru í 8-10 bekk.

Ungt fólk sem þekkir styrkleika sína og hefur trú á eigin getu á auðveldara með að blómstra í lífinu. Bókin VELDU fylgir námskeiðinu og er hún lögð til grundvallar á því. Á námskeiðinu eru kenndar aðferðir sem hjálpa ungmennum að efla sig og styrkja svo þau eigi auðveldara með allt það val sem þau standa frammi fyrir á hverjum degi.

Á námskeiðinu er m.a. fjallað um:

• › Mikilvægi jákvæðrar sjálfsmyndar
  › Áhrif hugsana á líðan og hegðun
  › Jákvæða og neikvæða leiðtoga
  › Að setja sér markmið útfrá lífsgildum og draumum
• › Öndun, slökun og hugleiðslu

Markmið námskeiðsins er að þátttakendur læri að nota hentugar aðferðir til að öðlast styrk til að standa með sjálfum sér og leyfi sér að blómstra og njóta alls þess sem lífið hefur upp á að bjóða. 

 

Næstu námskeið:   Selfoss

 

Verð: 24.900 kr (10 % systkinaafsláttur)

 

Viltu vera besta útgáfan af þér? Viltu læra að standa með sjálfri/um þér?

Námskeiðið VELDU er sjálfsstyrkingarnámskeið fyrir ungt fólk á framhalds- og háskólaskóla aldri (16-20 ára). Þar eru kenndar aðferðir til þess að efla þig og styrkja. Aðferðirnar hjálpa þér að takast á við áreiti, mótlæti, hindranir, samanburð, kvíða, samfélagsmiðlana ofl. þannig að þú náir að verða besta útgáfan af þér og blómstra í lífinu.

Á námskeiðinu er fjallað um:

• Mikilvægi jákvæðrar sjálfsmyndar
• Hvernig virkja má hæfileika svo þeir geti orðið að styrkleikum
• Áhrif hugsana á líðan og hegðun
• Jákvæða og neikvæða leiðtoga
• Mikilvægi þess að eiga sér drauma
• Að setja sér markmið
• Lífsgildin þín og hvað þú vilt að einkenni líf þitt
• Öndun, slökun og hugleiðslu

 

Í hverjum tíma er fróðleikur og unnin verkefni sem tengjast honum. Að þeim loknum er leidd öndun, slökun og hugleiðsla sem hjálpa þér að vera í núvitund. Hugleiðslan er í söguformi, svokallaðar hugleiðslusögur, en þær henta vel þeim sem ekki eru vanir að hugleiða.

Markmið námskeiðsins er að þú lærir að nota hentugar aðferðir til að öðlast styrk til að standa með sjálfri/um þér og leyfa þér að blómstra sem einstaklingur og njóta alls þess sem lífið hefur upp á að bjóða.

Bókin VELDU er innifalin í verði.

Næstu námskeið

Verð: 25.500 (10% systkinaafsláttur)