Árangursríkt námskeið fyrir unglinga sem vilja læra einfaldar og öflugar aðferðir til að takast á við kvíða og efla sjálfsmynd sína.

Unglingar átta sig oft ekki á:

• Að ónægur svefn og snjalltækjanotkun getur ýtt undir kvíða og vanlíðan
• Styrkleikum sínum og mikilvægi þeirra
• Hversu erfitt getur verið að standa undir eigin kröfum
• Að þeir geti valið viðhorf sín til allra verkefna á hverjum degi
• Hversu miklum árangri þeir geti náð með einföldum aðferðum

Á námskeiðinu er þátttakendum kennt að:

• Þekkja einkenni/ástæður kvíða og leiðir til að draga úr honum
• Þekkja betur huga sinn og algengar hugsanaskekkjur
• Efla jákvæða hugsun
• Þekkja styrkleika sína og styrkja sjálfsmyndina
• Bæta einbeitinguna og eiga betri samskipti
• Nota djúpa öndun til að draga úr kvíða
• Nota slökun og hugleiðslu til að bæta núvitund, hugarró og svefn

Þátttakendur fylla út sjálfsmatskvarða í byrjun og lok námskeiðs. Sjálfsmatskvarðanum er ætlað að skoða ýmsa þætti sem tengjast geðheilbrigði barna og unglinga á aldrinum 7-18 ára. Niðurstöðurnar sýna að námskeiðið hefur jákvæð áhrif á vellíðan þátttakenda, eykur sjálfsmat og dregur úr kvíða.

Foreldrar þátttakenda fá fræðslu til að geta stutt hvern og einn meðan á námskeiðinu stendur. Í foreldrafræðslunni verður farið yfir einkenni kvíða, birtingarmynd hans og hvað viðheldur honum hjá unglingum ásamt einföldum aðferðum til að draga úr kvíða og auka vellíðan.

Námskeiðið er 10 vikur og ætlað nemendum í 8. – 10. bekk grunnskóla.

Innifalið í námskeiðsgjaldi er bókin Veldu og önnur námskeiðsgögn.

Námskeiðið er byggt á hugrænni atferlismeðferð og aðferðum Hugarfrelsis. Námskeiðið er haldið í samstarfi við Paolu Cardenas, sálfræðing og fjölskylduþerapista hjá Barnahúsi.

Öflugt námskeið fyrir unglinga sem vilja draga úr kvíða og efla sjálfsmynd sína.