Lögð er áhersla á sjálfsmynd, styrkleika, tilfinningagreind, öndun, slökun og hugleiðslu sem kennd er í gegnum skemmtilega leiki og fjölbreyttar æfingar sem henta hverju aldursstigi fyrir sig. Markmið námskeiðsins er að kenna börnum einfaldar aðferðir til að efla sjálfsmynd sína og vellíðan.
Á námskeiðinu læra börnin meðal annars:
- Að velja jákvæðni umfram neikvæðni
- Að koma auga á styrkleika sína og nýta þá
- Að efla tilfinningagreind sína
- Að nota djúpa öndun daglega í allskonar aðstæðum
- Að auka einbeitingu og ímyndunarafl sitt
- Að slaka á og hugleiða
Innifalið í námskeiðsgjaldinu er vinnuhefti með æfingum og hagnýtum ráðum.