Námskeiðið byggir á aðferðafræði jákvæðrar sálfræði og núvitundar. Námskeiðið miðar að því að efla sjálfsmynd einstaklinga, jákvæðni, núvitund, einbeitingu, tilfinningagreind, draga úr kvíða og auka kyrrð og ró.
Sérsniðið námskeið fyrir fagfólk s.s.:
- kennara
- náms- og starfsráðgjafa
- umönnunaraðila
- starfsfólk frístundaheimila og félagsmiðstöðva
- íþróttaþjálfara
- félagsfræðinga
- iðjuþjálfa
- þroskaþjálfa
- hjúkrunarfræðinga
Á námskeiðinu eru kenndar aðferðir Hugarfrelsis; sjálfsstyrking, öndun, jóga, slökun og hugleiðsla. Farið er yfir hvernig nota má þessar aðferðir með nemendum í hefðbundinni kennslu eða einstaklingsráðgjöf. Aðferðirnar eru kenndar í gegnum leiki og fjölbreyttar æfingar sem henta hverju aldursstigi fyrir sig.
Uppbygging námskeiðsins
Námskeiðið er kennt í þremur hlutum, 3 klukkustundir í senn. Á milli tímanna prófa þátttakendur aðferðirnar í sínum hópi og fá stuðning og handleiðslu í næsta tíma á eftir.
Hluti I
Á fyrsta hluta námskeiðsins er lögð áhersla á öndun, jóga, slökun og hugleiðslu. Farið er yfir ávinning aðferðanna til að auka einbeitingu, kyrrð og vellíðan.
Á námskeiðinu er lögð áhersla á:
- Djúpa öndun og einfaldar öndunaræfingar – áhersla á mikilvægi og ávinning markvissrar öndunar fyrir andlega og líkamlega heilsu nemenda
- Jógaæfingar og jógasögur – hvernig hægt er að nota þær með nemendum
- Slökun og slökunaræfingar – hvenær og hvernig er gott að nota slökun með nemendum
- Hugleiðslu og hugleiðslusögur – ávinning hugleiðslu og hvernig hægt er að nota hugleiðslusögur með nemendum
Hluti II
Á öðrum hluta námskeiðsins er lögð áhersla á hvernig efla má tilfinningagreind barna með ýmsum leiðum. Fjallað er um kvíða og hvernig efla má vináttu og leiðtogafærni barna til að bæta samskipti.
Á námskeiðinu er lögð áhersla á:
- Tilfinningagreind – leiðir til að auka orðaforða yfir tilfinningar, líkamleg einkenni þeirra og úrræði og hvernig hægt er að nota tilfinningaspjöld og spil með nemendum
- Kvíða – einkenni hans og hvaða úrræði eru gagnleg til að draga úr honum til að auka vellíðan
- Vináttu og leiðtogafærni nemenda til að bæta samskipti
Hluti III
Á þriðja hluta námskeiðsins er lögð áhersla á hugarfar og jákvæða hugsun. Einnig er lögð áhersla á styrkleikaþjálfun til að byggja upp jákvæða sjálfsmynd barna.
Á námskeiðinu er lögð áhersla á:
- Hugarfar – hvernig efla má jákvæða hugsun og val á viðhorfi
- Sjálfsmynd – hvernig hægt er styrkja hana m.a. með því að auka orðaforða og þekkingu nemenda á eigin styrkleikum og annarra og hvernig nýta má styrkleikaspjöld, leiki og æfingar til að efla jákvæðni og trú á eigin getu.
Námskeiðið Hugarfrelsi fyrir fagfólk færir þeim sem starfa með börnum aukin verkfæri til að draga úr kvíða og streitu nemenda en ekki síður verkfæri til að efla sjálfstraust þeirra, jákvæðni og vellíðan.
Innifalið í námskeiðsgjaldinu eru bækurnar Vellíðan barna og Kennsluleiðbeiningar Hugarfrelsis sem og Tilfinningaspjöld og Styrkleikaspjöld.
Sjá allar vörur Hugarfrelsis hér: https://hugarfrelsi.is/vorur/
