Árangursríkt námskeið fyrir unglinga sem vilja læra einfaldar og öflugar aðferðir til að efla sjálfsmynd sína og læra að takast á við krefjandi tilfinningar m.a. kvíða.

Unglingar átta sig oft ekki á:

• Styrkleikum sínum og mikilvægi þeirra
• Hversu erfitt getur verið að standa undir eigin kröfum
• Að þeir geti valið viðhorf sín til allra verkefna á hverjum degi
• Að ónægur svefn og snjalltækjanotkun getur ýtt undir vanlíðan og kvíða

Á námskeiðinu er lögð áhersla á:

• Hugann, hugsanaskekkjur, val á viðhorfi
• Snjalltækjanotkun – áhrif, afleiðingar og úrræði
• Svefn og svefnvenjur – ráð til að bæta svefn og gæði hans
• Sjálfsmat, styrkleika og trú á eigin getu
• Að þekkja einkenni og birtingarmynd kvíða
• Gagnleg úrræði og aðferðir til að draga úr kvíða og öðrum krefjandi tilfinningum
• Markmiðasetningu til að vaxa sem einstaklingur og sigrast á hindrunum
• Mikilvægi vináttu og jákvæðra samskipta
• Djúpa öndun til að draga úr kvíða og öðrum krefjandi tilfinningum 
• Slökun og hugleiðslu til að auka núvitund, einbeitingu og hugarró

Þátttakendur fylla út sjálfsmatskvarða í byrjun og lok námskeiðs. Sjálfsmatskvarðanum er ætlað að skoða ýmsa þætti sem tengjast geðheilbrigði barna og unglinga á aldrinum 7-18 ára. Niðurstöðurnar sýna að námskeiðið hefur jákvæð áhrif á vellíðan þátttakenda, eykur sjálfsmat og dregur úr kvíða.

Í upphafi námskeiðs fá foreldrar þátttakenda fræðslu til að geta stutt við barnið sitt meðan á námskeiðinu stendur. 

Námskeiðið er 10 vikur og ætlað nemendum í 8.–10. bekk grunnskóla.

Innifalið í námskeiðsgjaldi er bókin Veldu og önnur námskeiðsgögn.

Námskeiðið er byggt á aðferðum hugrænnar atferlismeðferðar, jákvæðrar sálfræði og núvitundar. Námskeiðið er haldið í samstarfi við Dr. Paolu Cardenas, sálfræðing og fjölskyldufræðing.

Öflugt námskeið fyrir unglinga sem vilja efla sjálfsmynd sína og trú á eigin getu.