Jógafræðin eru yfir 5000 ára gömul og byggja meðal annars á heimspeki, öndunaræfingum, líkamsæfingum og hugleiðsluæfingum. Jógaæfingar hafa áhrif á vöðva, sinar, taugakerfi, innkirtlakerfi, meltingu og hugarástand. Með reglulegri jógaiðkun eflist núvitund, einbeiting eykst, súrefnisupptaka verður betri og blóðflæðið örvast.
Við hjá Hugarfrelsi kennum jóga í gegnum leik og jógasögur. Við notumst við einfaldar jógaæfingar með dýranöfnum og nöfnum úr nærumhverfinu.
Hvernær er gott að gera jóga?
- Til að brjóta upp daginn
- Til að efla einbeitingu og líkamsvitund
- Til að ýta undir núvitund
- Fyrir slökun og hugleiðslu
