Fyrirlestrar
með Hugarfrelsi

Fyrirlestrar Hugarfrelsis fjalla um áhrifaríkar aðferðir til að bæta líkamlega og andlega líðan í leik og starfi.

Fyrirlestrarnir eru fyrir starfsfólk leik-, grunn- og framhaldsskóla, starfsfólk fyrirtækja og stofnana um land allt.

Auk þess heldur Hugarfrelsi fyrirlestra fyrir foreldrafélög um gagnlegar aðferðir sem nýtast í uppeldi barna.

Hugarfrelsi fyrir starfsfólk leikskóla

Hrafnhildur Sigurðardóttir og Unnur Arna Jónsdóttir frá Hugarfrelsi kynna fyrir starfsfólki leikskóla aðferðir Hugarfrelsis og þau gögn sem hægt er að styðjast við í leik og starfi. Aðferðir Hugarfrelsis henta vel fyrir yngstu kynslóðina þar sem þeim er eðlislægt að anda djúpt og vera í núinu. Því er mikilvægt að byggja á þeim grunni með einföldum aðferðum sem auðvelt er að tileinka sér. Fyrirlesturinn er 45 mínútna langur.

 

Erindi þeirra er byggt á aðferðum Hugarfrelsis og útgefnu efni þeirra en þær hafa innleitt aðferðir sínar í fjölda leik-, grunn- og framhaldsskóla landsins og einnig haldið námskeið ætluð börnum, unglingum og fullorðnum.

 

Innleiðing í leikskóla

Hafi leikskóli áhuga á að innleiða aðferðir Hugarfrelsis inn í skólastarfið býður Hugarfrelsi upp á samstarf. Samstarfið felur í sér innleiðingu, fyrirlestra, gögn ofl. fyrir starfsfólk og foreldra allt eftir því sem hentar hverju sinni.

 

Allar nánari upplýsingar veita Hrafnhildur í síma 894-1806 og Unnur í síma 695-1292 eða sendu okkur fyrirspurn.

Hugarfrelsi fyrir grunn- og framhaldsskóla

Hrafnhildur Sigurðardóttir og Unnur Arna Jónsdóttir frá Hugarfrelsi standa fyrir fyrirlestri sem sérsniðinn er að starfsfólki skóla. Um er að ræða 45 mínútna langan fyrirlestur fyrir starfsfólk skólans þar sem farið er yfir aðferðir Hugarfrelsis og þau gögn sem hægt er að styðjast við til að efla nemendur á ýmsan hátt þannig að þau geti orðið besta útgáfan af sjálfum sér.

Erindi þeirra er byggt á aðferðum Hugarfrelsis og útgefnu efni þeirra en þær hafa á undanförnum árum gefið út fjölmargar bækur. Aðferðir Hugarfrelsis eru nýttar í fjölda leik-, grunn- og framhaldsskólum landsins og hafa gefið góða raun.

Innleiðing í grunn- og framhaldsskóla

Hafi skóli áhuga á að innleiða aðferðir Hugarfrelsis inn í skólastarfið býður Hugarfrelsi upp á samstarf. Samstarfið felur í sér kennslu á aðferðum Hugarfrelsis, kennslugögn, fyrirlestra fyrir starfsfólk og foreldra allt eftir því sem hentar hverju sinni.

Allar nánari upplýsingar veita Hrafnhildur í síma 894-1806 og Unnur í síma 695-1292 eða sendu okkur fyrirspurn.

Hugarfrelsi fyrir foreldrafélög

Er kvíði, ónægur svefn, neikvæð sjálfsmynd eða snjalltækin að hafa áhrif á barnið þitt og gæðastundir fjölskyldunnar?

Þessum spurningum svara margir foreldrar játandi. Fjöldi foreldrafélaga hafa nýtt sér þennan fyrirlestur og hafa foreldrar í kjölfarið lært einfaldar aðferðir sem hafa gagnast í uppeldinu, aukið gæðastundir fjölskyldunnar og hjálpað þeim sjálfum að öðlast aukna núvitund.

Nánar um fyrirlesturinn:
Hugarfrelsi – aðferðir sem virka!
Hrafnhildur Sigurðardóttir og Unnur Arna Jónsdóttir frá Hugarfrelsi kynna einfaldar og gagnlegar aðferðir sem foreldrar geta nýtt með börnum sínum til að auka vellíðan, hamingju og gleði.

Aðferðirnar hafa reynst börnum og unglingum vel til að koma auga á styrkleika sína, efla sjálfsmyndina og jákvæða hugsun. Aðferðirnar hjálpa þeim sem eiga erfitt með einbeitingu, svefn, eru kvíðin og óörugg.

Fyrirlesturinn er byggður á bókum Hugarfrelsis. Á fyrirlestrinum eru kynntar aðferðir Hugarfrelsis sem nýtast foreldrum í uppeldinu til að efla barnið sitt á margvíslegan máta með sjálfsstyrkingu, öndun, slökun og hugleiðslu svo það megi blómstra sem einstaklingur. Einnig hjálpa aðferðirnar til að fjölga gæðastundum og auka kyrrð og ró fjölskyldunnar.

Hrafnhildur og Unnur hafa undir nafninu Hugarfrelsi gefið út fjölbreytt efni til að bæta andlega og líkamlega líðan. Þær hafa einnig staðið fyrir fjölmörgum fyrirlestrum og námskeiðum fyrir börn, foreldra og fagfólk þar sem áhersla er lögð á sjálfsstyrkingu, öndun, slökun og hugleiðslu. Aðferðir Hugarfrelsis hafa verið innleiddar í fjölda leik-, grunn- og framhaldsskóla.

Allar nánari upplýsingar veita Hrafnhildur í síma 894-1806 og Unnur í síma 695-1292 eða sendu okkur fyrirspurn.

Hugarfrelsi fyrir fyrirtæki

Viltu efla starfsmann þinn og ýta undir að hann geti orðið besta útgáfan af sjálfum sér? Þá er Hugarfrelsi tilvalið fyrir þitt fyrirtæki.

Hugarfrelsi er gæðastund þar sem starfsmenn fyrirtækis fá einstaka blöndu af sjálfsstyrkingaræfingum, öndunaræfingum, djúpslökun og hugleiðslu.

Hugarfrelsi tekur frá 20-60 mínútum, en það fer eftir óskum hvers fyrirtækis. Til dæmis er hægt að koma með Hugarfrelsi á þinn vinnustað einu sinni í viku yfir ákveðið tímabil eða bjóða upp á Hugarfrelsisstund í eitt skipti þegar gera á vel við starfsmenn og brjóta upp daginn.

Allar nánari upplýsingar veita Hrafnhildur í síma 894-1806 og Unnur í síma 695-1292 eða sendu okkur fyrirspurn.